ಬ್ರದರ್‌ ವಿನೋಲ್ ಫೆರ್ನಾಡಿಸ್‌ ಹಾಂಕಾಂ ಮಾನ್‌ ಕಾರ್ಯೆಂ
ಫೆಬ್ರೆರ್‌ 23 ಆಯ್ತಾರಾ ಸಕಾಳಿಂ 8.೦೦ ವರಾಂಚ್ಯಾ ಮಿಸಾ ಉಪ್ರಾಂತ್ ಕ್ರೀಸ್ತಿ ಶಿಕ್ಷಣಾಚ್ಯಾ ದಿಸಾಚ್ಯಾ ವೆದಿ ಕಾರ್ಯಾ ವೆಳಾರ್‌ ಪಾಟ್ಲ್ಯಾ ಜೂನ್ ಮಹಿನ್ಯಾ ಥಾವ್ನ್‌ ತಾಕೊಡೆ ಫಿರ್ಗಜೆಂತ್‌ ಆಯ್ತಾರಾಚಿ ಸೆವಾ ದೀವ್ನ್‌ ಆಸ್ಲಲ್ಯಾ ಬ್ರದರ್‌ ವಿನೊಲಾಕ್‌ ಫಿರ್ಗಜೆ ತರ್ಫೆನ್‌ ಸನ್ಮಾನ್‌ ಕೆಲೊ.
ಬ್ರದರ್‌ ವಿನೊಲ್‌ ಸನ್ವರಾ ಸಾಂಜೆಚ್ಯಾ ಮಿಸಾಕ್‌ ಗಾಯಾನ್‌, ಆಯ್ತಾರಾಚೆಂ ವೈ.ಸಿ.ಎಸ್‌ ಭುರ್ಗ್ಯಾಂಕ್‌ ದೊತೊರ್ನ್‌, ಆಲ್ತಾರ್‌ ಭುರ್ಗ್ಯಾಂಕ್‌ ತರ್ಭೆತಿ, ವಾಡ್ಯಾ ಜಮೆತಿಕ್‌ ಭೆಟ್‌, ಲಿತುರ್ಜಿ ಮಾಂಡವಳ್‌ ಅಶೆಂ ಫಿರ್ಗಜೆಚ್ಯಾ ಸರ್ವ್‌ ಕಾರ್ಯಾಂ ವೆಳಾರ್‌ ತಾಂಚೊ ವೇಳ್‌, ಸಾಂಗಾತ್‌ ತಶೆಂಚ್‌ ಪಾಟಿಂಬೊ ದೀವ್ನ್‌ ಫಿರ್ಗಜ್‌ ವಿಗಾರಾಕ್‌ ಸರ್ವ್‌ ರಿತಿನಿಂ ಆಧಾರ್‌ ದೀವ್ನ್‌ ತಾಂಚಿ ಸೆವಾ ತಾಣಿಂ ದಿಲ್ಯಾ.
ಬ್ರದರ್‌ ವಿನೋಲ್ ಆಪ್ಲ್ಯಾ ಮುಖ್ಲ್ಯಾ ಯಾಜಕೀ ತರ್ಭತೆಕ್‌ ಸೆಮಿನರಿಕ್‌ ವೆಚ್ಯಾ ವಕ್ತಾ ಫಿರ್ಗಜ್‌ ತರ್ಫೆನ್‌ ತಾಂಚಿ ಸೆವಾ ಮಾನುನ್‌ ಘೆವ್ನ್‌ ವಿಗಾರ್‌, ಸಯ್ರೆ ಯಾಜಕ್‌, ಫಿ.ಗೊ.ಪ. ಕಾರ್ಯಾದರ್ಶಿ ಮಾನೆಸ್ತ್‌ ಆಲ್ವಿನ್‌ ಪಿಂಟೊ ಆನಿ ಆಯೋಗ್‌ ಸಂಯೋಜಕ್‌ ಮಾನೆಸ್ತ್‌ ಪಾವ್ಲ್‌ ಡಿಸೋಜ ಹಾಣಿಂ ಮಾನ್‌ ಕೆಲೊ.
ಚಡ್ತಿಕ್‌ ವಿವರಾಕ್‌ ಹ್ಯಾ ವೆಬ್‌ಸೈಟಾಚ್ಯಾ ಲಿಂಕಾಕ್‌ ಕ್ಲಿಕ್‌ ಕರಾ https://www.taccodechurch.in
Comments
Post a Comment