ಸೆವಾ ದಿಲ್ಲ್ಯಾ ವಾಡ್ಯಾ ಗುರ್ಕಾರಾಂಕ್ ಮಾನ್‌
09 ಮಾರ್ಚ್ 2025 ವೆರ್‌ ಆಯ್ತಾರಾ ಸಕಾಳಿಂ 8.00 ವೊರಾಂಚ್ಯಾ ಮಿಸಾ ಉಪ್ರಾಂತ್‌ ಫಿರ್ಗಜೆಂತ್ ಗುರ್ಕಾರ್ ಜಾವ್ನ್ ಆವ್ದಿ ಸಂಪಯ್ಲ್ಯಾ ದೊಗಾ ಜಾಣಾಂ ಗುರ್ಕಾರಾಂಕ್ ಫಿರ್ಗಜೆ ತರ್ಫೆನ್ ಮಾನ್‌ ಕೆಲೊ. ಸನ್ಮಾನಿತ್‌ ಜಾಲ್ಲೆ ಗುರ್ಕಾರ್
ಅಲಂಗಾರ್ ವಾಡ್ಯಾಚಿ ಗುರ್ಕಾರ್ನ್- ಮಾನೆಸ್ತಿನ್‌ ಪ್ರೆಸಿಲ್ಲಾ ಡಿಸೋಜ
ಕಕ್ಕೆಬೆಟ್ಟು ವಾಡ್ಯಾಚೊ ಗುರ್ಕಾರ್ - ಮಾನೆಸ್ತ್‌ ರಿಚ್ಚರ್ಡ್‌ ಲೋಬೊ
ಸಾಂಗಾತಾಚ್‌ M.C.A. ತ್‌ ಪಯ್ಲೆಂ ರ‍್ಯಾಂಕ್‌ ತಶೆಂಚ್‌ ಗೋಲ್ಡ್‌ ಮೆಡಲ್ ಆಪ್ಣಾವ್ನ್ ಸಾಧನ್‌ ಕೆಲ್ಯಾ ಪದವ್ ವಾಡ್ಯಾತ್ಲೆಂ ಗ್ಲೆವಿಟಾ ರಿಯೋನಾ ನೊರೊನ್ಹಾ ಹಾಂಕಾಂ ಮಾನ್‌ ಕೆಲೊ.
ಕಾರ್ಯಾಕ್‌ ಪಿರ್ಗಜ್‌ ವಿಗಾರ್‌ ಮಾ.ಬಾ.ರೋಹನ್‌ ಲೋಬೊ, ಫಿ.ಗೊ.ಪ. ಉಪಾಧ್ಯಕ್ಷ್‌ ಶ್ರೀ ಫ್ರಾನ್ಸಿಸ್‌ ಮೆಂಡೋನ್ಸಾ, ಕಾರ್ಯಾದರ್ಶಿ ಮಾನೆಸ್ತ್‌ ಆಲ್ವಿನ್‌ ಪಿಂಟೊ ತಶೆಂಚ್‌ ಆಯೋಗ್‌ ಸಂಯೋಜಕ್‌ ಮಾನೆಸ್ತ್‌ ಪಾವ್ಲ್‌ ಡಿಸೋಜ ಹಾಜರ್‌ ಆಸ್‌ಲ್ಲೆ. ಕಾರ್ಯಾದರ್ಶಿ ಮಾನೆಸ್ತ್‌ ಆಲ್ವಿನ್‌ ಪಿಂಟೊ ಹಾಣಿಂ ಕಾರ್ಯನಿರ್ವಾಹನ್‌ ಕೆಲೆಂ. ಉಪಾದ್ಯಾಕ್ಷ್‌ ಶ್ರೀ ಫ್ರಾನ್ಸಿಸ್‌ ಮೆಂಡೋನ್ಸಾ ಹಾಣಿಂ ಸನ್ಮಾನಿತಾಂಚಿ ವಳಕ್‌ ಕರ್ನ್‌ ದಿಲಿ. ಉಪ್ರಾಂತ್‌ ಸನ್ಮಾನ್‌ ಕಾರ್ಯೆಂ ಚಲೊವ್ನ್‌ ವೆಲೆಂ. ವಿಗಾರ್‌ಬಾಪಾನಿಂ ಆಪ್ಲ್ಯಾ ಸಂದೆಶಾಂತ್‌ ಗುರ್ಕಾಂರಾಂಚಿ ಸೆವಾ ಮಾನುನ್‌ ಘೆವ್ನ್‌ ತಾಂಚೊ ಆಭಾರ್‌ ಮಾಂದ್ಲೊ. ಮಾನೆಸ್ತ್‌ ಪಾವ್ಲ್‌ ಡಿಸೋಜ ಹಾಣಿಂ ಕಾರ್ಯಾಚ್ಯಾ ಅಕ್ರೇಕ್ ಸರ್ವಾಂಚೊ ಉಪ್ಕಾರ್‌ ಭಾವುಡ್ಲೊ.
.jpeg)
.jpeg)
.jpeg)
Comments
Post a Comment