ತಾಕೊಡೆಂತ್ 41 ಭುರ್ಗ್ಯಾಂಕ್ ಗೊವ್ಳಿಬಾಪಾಂ ಥಾವ್ನ್‌ ಥಿರಾವ್ಣೆಚೊ ಸಂಸ್ಕಾರ್
26 ಜನವರಿ 2025 ವೆರ್‌ ತಾಕೊಡೆ ಫಿರ್ಗಜೆಂತ್‌ 41 ಜಣಾಂನಿ ನಿವೃತ್ತ್‌ ಗೊವ್ಳಿಬಾಪ್‌ ಅ. ಮಾ. ದೊ. ಲೂವಿಸ್‌ ಪಾವ್ಲ್‌ ಸೊಜ್‌ ಹಾಂಚೆ ಥಾವ್ನ್‌ ಸಾಕಾಳಿ 8.00 ವೊರಾಂಚ್ಯಾ ಮಿಸಾಚೆರ್‌ ಥಿರಾವ್ಣೆಚೊ ಸಂಸ್ಕಾರ್ ಘೆತ್ಲೊ. ಭುರ್ಗ್ಯಾಂ ಪಾಯ್ಕಿಂ 36 ಜಣಾಂ ತಾಕೊಡೆ ಫಿರ್ಗಜೆಚಿ ಆನಿ 5 ಜಣಾಂ ಕಿನ್ನಿಗೊಳಿ ಫಿರ್ಗಜೆಚಿಂ ಆಸ್ಲಿಂ. ಗೊವ್ಳಿಬಾಪಾನಿಂ ಮಿಸಾಚೆಂ ಬಲಿದಾನ್‌ ಬೆಟೊವ್ನ್‌ ದೆವಾಚ್ಯಾ ಉತ್ರಾಂಚೊ ನಿಯಾಳ್‌, ದೀವ್ನ್‌ ಕ್ರೀಜ್ಮಾಚೊ ಸಂಸ್ಕಾರ್ ದೀವ್ನ್‌, ಮಿಸಾ ಉಪ್ರಾಂತ್‌ ಕ್ರೀಸ್ಮಾಚಿ ಸರ್ಟಿಫಿಕೇಟ್‌ ಗೊವ್ಳಿಬಾಪಾಂನಿ ವಿತರಣ್ ಕೆಲಿ. ಮಿಸಾಚ್ಯಾ ಬಲಿದಾನಾಕ್‌ ಪ್ರಸ್ತುತ್‌ ಗೊವ್ಳಿಬಾಪಾಂಚೆ ಕಾರರ್ಯದರ್ಶಿ ಮಾ. ಬಾ. ತ್ರೀಶಾನ್‌ ಡಿಸೋಜಾ ಆನಿ ಫಿರ್ಗಜ್‌ ವಿಗಾರ್‌ ಮಾ.ಬಾ. ರೋಹನ್‌ ಲೋಬೊ ಹಾಣಿ ಸಹ ಬೆಟೊವ್ಣಿ ಕೆಲಿ. ಥಿರಾವ್ಣಿ ಸ್ವೀರಾರ್‌ ಕೆಲ್ಲ್ಯಾ ಭುರ್ಗ್ಯಾಂನಿ ಲಿತುರ್ಜಿ ಚಲೊವ್ನ್‌ವೆಲಿ ತಶೆಂಚ್‌ ಸರ್ವಾಆಂಂಚೊ ಉಪ್ಕಾರ್‌ ಬಾವುಡ್ಲೊ. ವಿಗಾರ್‌ ಬಾಪಾನಿ ಗೊವ್ಳಿಬಾಪಾಂಚೊ ತಶೆಂಚ್‌ ಬಿಸ್ಪಾಚ್ಯಾ ಕಾರ್ಯದರ್ಶಿಚೊ ಉಪ್ಕಾರ್‌ ಆಟಯ್ಲೊ ಆನಿ ಥಿರಾವ್ಣೆಚೊ ಸಂಸ್ಕಾರ್ ಸ್ವೀಕಾರ್‌ ಕೆಲ್ಲ್ಯಾ ಭುರ್ಗ್ಯಾಂಕ್ ಉಲ್ಲಾಸ್‌ ಪಾಟಯ್ಲೆಂ.
ಲೈವ್‌ ಪೊಳೆಂವ್ಕ್‌ ಹೆಂ ಲಿಂಕ್‌ ಕ್ಲಿಕ್‌ ಕರಾ: https://youtube.com/live/
Comments
Post a Comment