ಗೊವ್ಳಿಬಾಪಾಂ ಥಾವ್ನ್‌ ಗುರ್ಕಾರಾಂಕ್‌ ಆನಿ ಸಾಧನ್‌ ಕೆಲ್ಲ್ಯಾಂಕ್‌ ಮಾನ್
26 ಜನೆರ್‌ 2025 ವೆರ್‌ ಆಯ್ತಾರಾ ಸಕಾಳಿಂ 8.00 ವೊರಾಂಚ್ಯಾ ಕ್ರೀಜ್ಮಾಚ್ಯಾ ಮಿಸಾ ಉಪ್ರಾಂತ್‌ ಫಿರ್ಗಜೆಂತ್‌ ಗುರ್ಕಾರ್ ಜಾವ್ನ್ ಆವ್ದಿ ಸಂಪಯ್ಲ್ಯಾ ತೆಗಾ ಜಾಣಾಂ ಗುರ್ಕಾರಾಂಕ್‌ ನಿವೃತ್ ಗೊವ್ಳಿ ಬಾಪ್‌ ಅ.ಮಾ. ದೊ. ಲುವಿಸ್‌ ಪಾವ್ಲ್‌ ಸೊಜ್‌ ಹಾಣಿಂ ಮಾನ್ ಕೆಲೊ. ಸನ್ಮಾನಿತ್‌ ಜಾಲ್ಲೆ ಗುರ್ಕಾರ್
ಇಗರ್ಜೆ ವಾಡ್ಯಾಚಿ ಗುರ್ಕಾರ್ನ್- ಮಾನೆಸ್ತಿನ್‌ ಫ್ಲಾವಿಯಾ ಮೆಂಡಿಸ್‌
ಕಜೆಬೈಲ್‌ ವಾಡ್ಯಾಚೊ ಗುರ್ಕಾರ್ - ಮಾನೆಸ್ತ್‌ ಚಾರ್ಲ್ಸ್‌ ಕ್ರಾಸ್ತಾ
ಅರಂಬೋಡಿ ವಾಡ್ಯಾಚೊ ಗುರ್ಕಾರ್ - ಮಾನೆಸ್ತ್‌ ಮೆಲ್ವಿನ್‌ ಮಾಡ್ತಾ
ಸಾಂಗಾತಾಚ್‌ ಕೊಂಕ್ಣೆಂಚ್ಯಾ ಚರಿತ್ರೆಂತ್‌ 9 ವರ್ಸಾಂಚ್ಯಾ ಭುರ್ಗ್ಯಾನ್‌ ಏಕ್‌ ನೈಟ್‌ ಸಾಧಾರ್‌ ಕರ್ನ್‌ ಸಾಧನ್‌ ಕೆಲ್ಯಾ ಅಲಂಗಾರ್‌ ವಾಡ್ಯಾಚೆಂ ಅಲನಿ ಲಿಯೋರಾ ಡಿʼಸೋಜಾ ಆನಿ ತಾಕೊಡೆಂತ್ಲೆ ಪಯ್ಲೆಂ A.C.C.A. ತ್‌ ಉತ್ತೀರ್ಣ್‌ ಜಾವ್ನ್ ಸಾಧನ್‌ ಕೆಲ್ಯಾ ಇಗರ್ಜೆ ವಾಡ್ಯಾತ್ಲೆಂ ಕ್ಲೀಟಾ ಮರ್ಸಿ ಕರ್ಡೋಜಾ ಹಾಂಕಾಂ ಮಾನ್ ಕೆಲೊ.
ಫಿರ್ಗಜೆ ತರ್ಫೆನ್‌ ಗೊವ್ಳಿಬಾಪಾಂಕ್‌ ತಶೆಂಚ್‌ ಗೊವ್ಳಿಬಾಪಾಂಚ್ಯಾ ಕಾರ್ಯಾದರ್ಶಿಕ್ ಸನ್ಮಾನ್‌ ಕೆಲೊ. ಕ್ರೀಜ್ಮಾಚ್ಯಾ ಪರೀಕ್ಷೆಂತ್‌ ಸಾಧಾನ್‌ ಕೆಲ್ಲ್ಯಾ ತೆಗಾಂಕ್‌ ಹ್ಯಾ ವೆಳಾರ್‌ ಮಾನ್ ಕೆಲೊ. ನಿಮಾಣೆಂ ಗೊವ್ಳಿಬಾಪಾಂನಿ ಆಪ್ಲೊ ಸಂದೇಶ್‌ ದಿಲೊ.
ಕಾರ್ಯಾಕ್‌ ಶ್ರೀಮತಿ ಐವಿ ಕ್ರಾಸ್ತಾನ್‌ ಕಾರ್ಯನಿರ್ವಾಹನ್‌ ಕೆಲೆಂ. ಉಪಾದ್ಯಾಕ್ಷ್‌, ಶ್ರೀ ಫ್ರಾನ್ಸಿಸ್‌ ಮೆಂಡೋನ್ಸಾ; ಕಾರ್ಯದರ್ಶಿ, ಶ್ರೀ ಆಲ್ವಿನ್‌ ಪೀಂಟೊ; ಆಯೋಗ್‌ ಸಂಯೋಜಕ್‌, ಶ್ರೀ ಪಾವ್ಲ್‌ ಡಿʼಸೋಜಾ ಹಾಣಿಂ ಸನ್ಮಾನಿತಾಂಚಿ ವಳಕ್‌ ಕರ್ನ್‌ ದಿಲಿ. ಆಯ್‌ಲ್ಲ್ಯಾ ಸರ್ವಾಂಕ್‌ ಕಾಫಿ ಫಳಾರಾಚಿ ವ್ಯವಸ್ಥಾ ಆಸಾ ಕೆಲ್ಲಿ.
ಚಡ್ತಿಕ್‌ ವಿವರಾಕ್‌ ಹ್ಯಾ ವೆಬ್‌ಸೈಟಾಚ್ಯಾ ಲಿಂಕಾಕ್‌ ಕ್ಲಿಕ್‌ ಕರಾ https://www.taccodechurch.in
Comments
Post a Comment