ಡಿಸೆಂಬರ್‌ 31 ತಾರಿಕೆರ್‌ ರಾತಿಂ ತಾಕೊಡೆ ಫಿರ್ಗಜೆಂತ್‌ ಮರಿ ದೆವಾಚಿ ಮಾತಾ ಆನಿ ನವೆಂ ವರಸ್‌ ವ್ಹಡ್‌ ಗದ್ದಾಳಾಯೆನ್‌ ಆಚರಣ್ ಕೆಲೆಂ. ಸಾಂಜೆರ್ 6.30 ವೊರಾರ್‌ ಸಗ್ಳ್ಯಾ ವರ್ಸಾ ದೆವಾನ್‌ ಕೆಲ್ಲ್ಯಾ ಉಪ್ಕಾರಾಂಕ್‌ ದೆವಾಕ್‌ ಅರ್ಗಾಂ ದೀವ್ನ್‌ ಎಕ್‌ ವೊರಾಚೆಂ ಆರಾಧಾನ್‌ ಫಿರ್ಗಜ್‌ ವಿಗಾರ್‌ ಮಾ.ಬಾ.ರೋಹನ್‌ ಲೋಬೊ ಚಲೊವ್ನ್‌ ವೆಲೆಂ. ಉಪ್ರಾಂತ್‌ 7.30 ವೊರಾರ್‌ ಸಂಭ್ರಮಿಕ್‌ ಮಿಸಾಚೆಂ ಬಲಿದಾನ್‌ ಆಸ್‌ಲ್ಲೆಂ.ಪ್ರಧಾನ್‌ ಯಾಜಕ್‌ ಜಾವ್ನ್‌ ಮಾ.ಬಾ.ಫ್ಲೇವಿಯನ್‌ ಲೋಬೊ ಹಾಣಿಂ ಮಿಸಾಚೆಂ ಬಲಿದಾನ್‌ ಭೆಟಯ್ಲೆಂ ತಶೆಂಚ್‌ ದೆವಾಚ್ಯಾ ಉತ್ರಾಂಚೆರ್‌ ನಿಯಾಳ್‌ ದಿಲೊ. ಫಿರ್ಗಜ್‌ ವಿಗಾರ್‌ ಮಾ.ಬಾ.ರೋಹನ್‌ ಲೋಬೊ ಹಾಣಿಂ ಸಹ-ಭೆಟವ್ಣಿ ಕೆಲಿ . ಮಿಸಾ ಉಪ್ರಾಂತ್‌ ಜುಬ್ಲೆವ್‌ ವರ್ಸಾಚೆಂ ಉಗ್ತಾವಣ್‌ ಆಸ್‌ಲ್ಲೆಂ. ವಿಗಾರ್‌ಬಾಪ್‌, ಸಯ್ರ್ಯಾ ಪದ್ರ್ಯಾಬಾ ಸವೆಂ ಗೊವ್ಳಿಕ್‌ ಪರಿಷದೆಚ್ಯಾ ಹುದ್ದೆದಾರಾನಿಂ ಜುಬ್ಲೆವ್‌ ವರ್ಸಾಚೊ ಬಾವ್ಟೊ ಉಭೊವ್ನ್‌ ಜುಬ್ಲೆವಾಚೆಂ ಗೀತ್‌ ಗಾವ್ನ್ ಜುಬ್ಲೆವ್‌ ವರ್ಸಾಚೆಂ ಉಗ್ತಾವಣ್‌ ಕೆಲೆಂ. ಹ್ಯಾ ನಂತರ್ ವೈ.ಸಿ.ಎಸ್‌ ಸಾಂದ್ಯಾನಿಂ ಸರ್ವಾಂಕ್‌ ಮಾನೆಸ್ತ್‌ ಬ್ರಯನ್‌ ರೇಗೊ ಹಾಣೆಂ ದಾನ್‌ ದಿಲ್ಲೆಂ ಖಾಣ್‌ ಪೀವನ್‌ ವಾಂಟ್ಲೆಂ ತಶೆಂಚ್‌ ಮಾನೋರಂಜನಾ ಖಾತಿರ್‌ ಹೌಸಿ ಹೌಸಿ ಖೆಳ್‌ ಚಲೊವ್ನ್‌ ವೆಲೊ ಆನಿ ಇನಾಮಾಂ ವಾಂಟ್ಲಿಂ. ಅಶೆಂ ನವ್ಯಾ ವರ್ಸಾಚೊ ಸಂಭ್ರಮ್‌ ಆಚರಣ್ ಕೆಲೊ.
Comments
Post a Comment