ಬೊಲ್ಲೆರ್‌ ವಾಡ್ಯಾಚೆಂ ಫೆಸ್ತ್ ಆಚರಣ್
15 ಡಿಸೆಂಬರ್‌ 2024 ವೆರ್‌ ಸಾಂಜೆರ್ 6:30 ವೊರಾರ್‌ ಬೊಲ್ಲೆರ್‌ಚ್ಯಾ ಖುರ್ಸಾ ಗುಡ್ಯಾರ್ ಫೆಸ್ತ್ ಆಚರಣ್ ಕೆಲೆಂ. ಪಾತ್ರೊನ್‌ ಸಾಂ. ಫ್ರಾನ್ಸಿಸ್ ಸಾವೆರಾಕ್ 1 ಡಿಸೆಂಬರ್‌ ಆಯ್ತಾರಾ ಸಕಾಳಿಂಚ್ಯಾ ಮಿಸಾರ್‌ ಮಾನ್‌ ಕರ್ನ್‌, ಮಿಸಾಚೆಂ ಬಲಿದಾನ್‌ ಭೆಟಯ್ಲೆಂ. ಕಾರ್ಯಾಚ್ಯಾ ಸುರ್ವೆರ್‌ ವಿಗಾರ್‌ ಮಾ.ಬಾ. ರೋಹನ್‌ ಲೋಬೊ ತಶೆಂಚ್‌ ಮಾ.ಬಾ. ರೋಹನ್‌ ಡಾಯಸ್‌ ಹಾಂಣಿಂ ಮಾಗ್ಣ್ಯಾ ವಿಧಿ ಚಲೊವ್ನ್‌ ವೆಲಿ. ಉಪ್ರಾಂತ್ ಪಾತ್ರೊನಾಕ್‌ ಮಾನ್‌ ಕರ್ನ್‌ ನೊವೆನ್‌ ಕೆಲೆಂ. ಜಮ್ಲೆಲ್ಯಾ ಸರ್ವಾಂಕ್‌ ಖಾಣ್‌ ಪೀವನಾಚಿ ವ್ಯವಸ್ಥಾ ಕೆಲ್ಲಿ. ಉಪ್ರಾಂತ್ ಸ್ವಾಗತ್‌ ನೃತ್ಯಾ ದ್ವಾರಿಂ ಕಾರ್ಯೆಂ ಸುರ್ವಾತ್ಲೆಂ.ವಾಡ್ಯಾಗಾರಾಂ ಥಾವ್ನ್‌ ಮನೋರಂಜನ್‌ ಕಾರ್ಯೆಂ ಖೆಳ್‌ ಆಸ್‌ಲ್ಲೆಂ. ಉಪ್ರಾಂತ್ ವೆದಿ ಕಾರ್ಯೆಂ ಸುರ್ವಾತ್ಲೆಂ. ಹ್ಯಾ ಕಾರ್ಯಾಕ್‌ ಫಿರ್ಗಜ್ ವಿಗಾರ್‌ ಮಾ. ಬಾ. ರೋಹನ್‌ ಲೋಬೊ, ವಾಡ್ಯಾಂತ್ಲೊ ಯಾಜಕ್‌ ಮಾ.ಬಾ. ರೋಹನ್‌ ಡಾಯಸ್‌, ಕೊವೆಂತಾಚಿ ವ್ಹಡಿಲ್ನ್‌ ಸಿ.ರೀನಾ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಫ್ರಾನ್ಸಿಸ್ ಮೆಂಡೊನ್ಸಾ, ಕಾರ್ಯಾದರ್ಶಿ ಮಾನೆಸ್ತ್ ಆಲ್ವಿನ್‌ ಪಿಂಟೊ, ಎಕ್ವೀಸ್ ಆಯೋಗ್ ಸಂಯೋಜಕ್ ಮಾನೆಸ್ತ್ ಪಾವ್ಲ್ ಡಿʼಸೋಜ, ಲಾ.ಕ್ರಿ.ಸ.ಚಿ ಸಂಚಾಲಕಿ ಶ್ರೀಮತಿ ಲೋನಾ ರೊಡ್ರಿಗಸ್ ಆನಿ ಲಾ.ಕ್ರಿ.ಸ.ಚಿ ಪ್ರೇರಕ್ ಮಾನೆಸ್ತ್ ಮೈಕಲ್ ಕ್ರಾಸ್ತಾ ಹಾಜರ್ ಆಸ್‌ಲ್ಲೆ. ಗುರ್ಕಾರ್ ಶ್ರೀ ಪಾವ್ಲ್ ಲೋಬೊ ಹಾಣೆಂ ಸ್ವಾಗತ್‌ ಕೆಲೊ, ಕಾರ್ಯದರ್ಶಿ ಅಶ್ವಿತಾ ಫೆರ್ನಾಡಿಸ್‌ ಹಿಣೆಂ ವಾರ್ಷಿಕ್ ವರ್ದಿ ವಾಚ್ಲಿ. ಶಿಕ್ಪಾ ಕ್ಷೇತ್ರಾಂತ್ ಸಾಧಾನ್‌ ಕೆಲ್ಲ್ಯಾಂಕ್‌ ಮಾನ್‌ ಕೆಲೊ. ಉಪ್ರಾಂತ್ ಮಾ.ಬಾ. ರೋಹನ್‌ ಡಾಯಸ್‌ ಹಾಣಿಂ ವಾಡ್ಯಾ ಕುಟ್ಮಾಕ್‌ ಬರೆಂ ಮಾಗ್ಲೆಂ ಉಪ್ರಾಂತ್ ಫೆಸ್ತಾಚ್ಯಾ ಸುವಾಳ್ಯಾರ್‌ ದಾನ್‌ ದಿಲ್ಲ್ಯಾಂಕ್‌ ಮಾನ್‌ ಕೆಲೊ. ಉಪ್ರಾಂತ್ ವಿಗಾರ್‌ಬಾಪಾನಿಂ ಆಪ್ಲೊ ಸಂದೇಶ್‌ ದಿಲೊ. ಶ್ರೀಮತಿ ಶಾಂತಿ ರೇಗೊ ಹಾಣಿಂ ಧನ್ಯವಾದ್‌ ಪಾಟಯ್ಲೆಂ. ನಿಮಾಣೆಂ ಗುರ್ಕಾರ್ ಪಾವ್ಲ್ ಲೋಬೊ ಹಾಣಿಂ ಖುರ್ಸಾ ಗುಡೊ ನವೀಕ್ರತ್‌ ಕರುಂಕ್‌ ಆಧಾರ್‌ ದಿಲ್ಲ್ಯಾಂಚೊ ಉಪ್ಕಾರ್‌ ಭಾವುಡ್ಲೊ. ಆಕೇರಿಕ್‌ ಬೆಥನಿ ಕೊಂವೆತಾಚಿ ವ್ಹಡಿಲ್ನ್‌ ಸಿ.ರೀನಾ ಹಾಣಿಂ ಜೆವ್ಣಾಚೆರ್‌ ಆರ್ಶೀವಾದ್‌ ಮಾಗ್ಲೊ ಅಶೆಂ ಜೆವ್ಣಾ ಸವೆಂ ಫೆಸ್ತಾಚೆಂ ಆಚರಣ್ ಸಂಪ್ಲೆಂ.
.jpeg)
ಚಡ್ತಿಕ್‌ ವಿವರಾಕ್‌ ಹ್ಯಾ ವೆಬ್‌ಸೈಟಾಚ್ಯಾ ಲಿಂಕಾಕ್‌ ಕ್ಲಿಕ್‌ ಕರಾ https://www.taccodechurch.in
Comments
Post a Comment