ತಾಕೊಡೆಂತ್‌ ನತಾಲಾಂಚೊ ಸಂಭ್ರಮ್
ಡಿಸೆಂಬರ್‌ 24 ತಾರಿಕೆರ್‌ ರಾತಿಂ ತಾಕೊಡೆ ಫಿರ್ಗಜೆಂತ್‌ ಬಾಳಕ್ ಜೆಜುಚ್ಯಾ ಜಲ್ಮಾಚೆಂ ಫೆಸ್ತ್ ವಾ ನತಾಲಾಂಚೆಂ ಫೆಸ್ತ್ ವ್ಹಡ್‌ ಗದ್ದಾಳಾಯೆನ್‌ ಆಚರಣ್‌ ಕೆಲೆಂ. ರಾತಿಚ್ಯಾ 7 ವೊರಾರ್‌ ಕ್ಯಾರಲ್ಸಾ ದ್ವಾರಿಂ ಕ್ರಿಸ್ಮಸ್ ಆಚರಣ್‌ ಆರಂಭ್‌ ಜಾಲೆಂ. ಉಪ್ರಾಂತ್ 7.30 ವೊರಾರ್‌ ಸಂಭ್ರಮಿಕ್‌ ಮಿಸಾಚೆಂ ಬಲಿದಾನ್‌ ಆಸ್‌ಲ್ಲೆಂ. ಫಿರ್ಗಜ್‌ ವಿಗಾರ್‌ ಮಾ.ಬಾ.ರೋಹನ್‌ ಲೋಬೊ ಹಾಣಿಂ ಪ್ರಧಾನ್‌ ಯಾಜಕ್‌ ಜಾವ್ನ್‌ ಮಿಸಾಚೆಂ ಬಲಿದಾನ್‌ ಭೆಟಯ್ಲೆಂ. ಮಾ.ಬಾ.ಹೆನ್ರಿ ಸಿಕ್ವೇರಾ ನೊರ್ಬಟೈನ್‌ ಯಾಜಾಕ್ ಹಾಣಿಂ ಸಹಾಭೆಟವ್ಣಿ ಕೆಲಿ ತಶೆಂಚ್ ದೆವಾಚ್ಯಾ ಉತ್ರಾಂಚೆರ್‌ ನಿಯಾಳ್‌ ದಿಲೊ. ಆಕೇರಿಕ್‌ ಬಾಳ್ಕಾಚ್ಯಾ ಉಮ್ಯಾ ಸವೆಂ ಮಿಸಾಚೆಂ ಬಲಿದಾನ್‌ ಸಂಪ್ಲೆಂ.
ICYM ತಾರ್ಫೆನ್‌ ಕ್ರಿಸ್ಮಸ್ ಮನೋರಂಜನ್‌ ಕಾರ್ಯೆಂ
ಮಿಸಾ ಉಪ್ರಾಂತ್ ಐ.ಸಿ.ವೈ.ಎಮ್. ತಾಕೊಡೆ ಘಟಕಾನ್‌ ಕ್ರಿಸ್ಮಸ್ ನೈಟ್‌ ಆಸಾ ಕೆಲ್ಲೆಂ. ಜಮ್‌ಲ್ಲ್ಯಾ ಸರ್ವಾಂಕ್‌ ಖಾಣ್‌ ಪೀವನ್‌ ವಾಂಟ್ಲೆಂ. ಮಟ್ವೆಂ ವೆದಿ ಕಾರ್ಯೆಂ ಮಾಂಡುನ್‌ ಹಾಡ್‌ಲ್ಲೆಂ. ಕಾರ್ಯಾಕ್‌ ವಿಗಾರ್‌ ಮಾ.ಬಾ.ರೋಹನ್‌ ಲೋಬೊ, ಫಿರ್ಗಜ್‌ ಗೊವ್ಳಿಕ್‌ ಪರಿಷದೆಚೊ ಉಪಧ್ಯಕ್ಷ್‌ ತಶೆಂಚ್ ಐ.ಸಿ.ವೈ.ಎಮ್. ಸಚೇತಕ್‌ ಮಾನೆಸ್ತ್‌ ಫ್ರಾನ್ಸಿಸ್‌ ಮೆಂಡೊನ್ಸಾ , ಕಾರ್ಯಾದರ್ಶಿ ಮಾನೆಸ್ತ್‌ ಆಲ್ವಿನ್‌ ಪಿಂಟೊ, ಎಕ್ವೀಸ್‌ ಆಯೋಗಾಂಚೊ ಸಂಯೋಜಕ್‌ ಮಾನೆಸ್ತ್‌ ಪಾವ್ಲ್‌ ಡಿಸೋಜ, ಐ.ಸಿ.ವೈ.ಎಮ್. ಅಧ್ಯಕ್ಷ್‌ ಆಡ್ಲೀನ್‌ ಡಿʼಅಲ್ಮೇಡಾ ತಶೆಂಚ್ ಕಾರ್ಯಾದರ್ಶಿ ರೆನ್ಸಿಯಾ ರೇಗೊ ವೆದಿರ್‌ ಹಾಜರ್‌ ಆಸ್‌ಲ್ಲಿಂ. ಹ್ಯಾ ಕ್ರಿಸ್ಮಸ್ ರಾತಿಚೆಂ ಕಾರ್ಯೆಂ ನಿರ್ವಹಣ್‌ ಆಸ್ಟನ್‌ ಡಿಸೋಜ ಹಾಣೆಂ ಚಲೊವ್ನ್‌ ವೆಲೆಂ. ಪಯ್ಶಿಲ್ಯಾ ಗಾವಾ ಥಾವ್ನ್‌ ಸಾಂತಾಕ್ಲೋಸ್‌ ಮಾಮ್‌ ಕಾರ್ಯಾಕ್‌ ಯೇವ್ನ್‌ ಪಾವ್‌ಲ್ಲೆ ಆನಿ ತಾಣಿಂ ತಾಂಚೊ ಸಂತೊಸ್‌ ಸರ್ವಾಂ ಥಂಯ್‌ ವಾಂಟುನ್‌ ಘೆತ್ಲೊ . ಐ.ಸಿ.ವೈ.ಎಮ್. ಅಧ್ಯಕ್ಷ್‌ ಆಡ್ಲೀನ್‌ ಡಿʼಅಲ್ಮೇಡಾನ್‌ ಜಮ್‌ಲ್ಲ್ಯಾ ಸರ್ವಾಂಕ್‌ ಸ್ವಾಗತ್‌ ದಿಲೊ. ಉಪ್ರಾಂತ್ ಕ್ರಿಸ್ಮಸಾಚೊ ದಬಾಜೊ ಕೇಕ್‌ ಕತ್ರುಂಚ್ಯಾ ಮಾರಿಫಾತ್‌ ಚಡಯ್ಲೊ. ಉಪ್ರಾಂತ್ ವಿಗಾರ್‌ಬಾಪಾನಿಂ ನತಾಲಾಂಚೊ ಸಂದೇಶ್‌ ಪಾಟಯ್ಲೊ. ಐ.ಸಿ.ವೈ.ಎಮ್. ಘಟಕಾನ್‌ ಮಾಂಡುನ್‌ ಹಾಡ್‌ಲ್ಲ್ಯಾ ಸ್ಪರ್ಧ್ಯಾಂಚಿಂ ಇನಾಮಾಂ ವಾಂಟ್ಲಿಂ ತಶೆಂಚ್ ಕ್ಯಾರಲ್ಸಾ ವೆಳಾ ಜೆವ್ಣಾಚಿ ವ್ಯವಸ್ಥಾ ಕೆಲ್ಲ್ಯಾ ಕುಟ್ಮಾಂಕ್‌ ಮಾನ್‌ ಕೆಲೊ. ಕ್ಯಾರಾಲ್ಸಾ ವೆಳಾರ್‌ ಆಯೋಜನ್‌ ಕೆಲ್ಲ್ಯಾ ಲಕ್ಕಿ ಕುಟ್ಮಾಚೆಂ ಡ್ರಾ ಚಲೊವ್ನ್‌ ವೆಲೆಂ. ಉಪ್ರಾಂತ್ ದೋನ್‌ ಎಲಾಮ್‌ ಕಾರ್ಯಿಂ ಆಸಾ ಕೆಲ್ಲಿಂ ಆನಿ ತಾಂತ್ಲೆಂ ಎಕ್‌ ಎಲಾಮ್‌ ಕಾರ್ಯೆಂ ಮೆಡಿಕಲ್‌ ಫಂಡಾ ಖಾತಿರ್‌ ಚಲಯ್ಲೆಂ. ಉಪ್ರಾಂತ್ ಫಿರ್ಗಜೆಚ್ಯಾ ಕಲಾಕರಾಂ ಥಾವ್ನ್‌ ಮನೋರಂಜನ್‌ ಕಾರ್ಯಿಂ ಆಸ್‌ಲ್ಲಿಂ. ಅಶೆಂ ನತಾಂಲಾಂಚೊ ದಬಾಚೊ ಗಡ್ಡಾಲಾಯೆನ್‌ ಚಲ್ಲೊ.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Comments
Post a Comment