ಸೆಕುಲಾರ್‌ ಫ್ರಾನ್ಸಿಸ್ಕನ್‌ ಮೆಳಾಚೆಂ ಫೆಸ್ತ್‌ ಆಚರಣ್
27 ಅಕ್ಟೋಬರ್‌ 2024 ವೆರ್‌ ಆಯ್ತಾರಾ ಸಕಾಳಿಂ 8.00 ವೊರಾರ್‌ ಫೆಸ್ತಾಚೆಂ ಅರ್ಗಾಂ ಬಲಿದಾನ್‌ ಮಾ.ಬಾ.ಪ್ರಕಾಶ್ ಕುಲಾಸೊ ,ಕಾಪುಜಿನ್‌ ಹಾಣಿಂ ಭೆಟಯ್ಲೆಂ. ಮಿಸಾ ಉಪ್ರಾಂತ್‌ ಸಭಾಸಲಾಂತ್‌ ಫೆಸ್ತಾಚೆಂ ಆಚರಣ್ ಆಸಾ ಕೆಲ್ಲೆಂ. ಕಾರ್ಯಾನಿರ್ವಹಣ್‌ ಶ್ರಿಮತಿ ಲೊನಾ ರೊಡ್ರಿಗಸ್‌ ಹಿಣೆಂ ಚಲೊವ್ನ್‌ ವೆಲೆಂ. ವೆದಿ ಕಾರ್ಯಾಕ್‌ ಅಧ್ಯಕ್ಷ್‌ ಜಾವ್ನ್‌ ವಿಗಾರ್‌ಬಾಪ್‌, ಸಯ್ರೆ ಜಾವ್ನ್‌ ಬಾಪ್‌ ಪ್ರಕಾಶ್ ಕುಲಾಸೊ, ಬಾಪ್‌ ಜೆರೊಮ್‌ , ತಶೆಂಚ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಕಾರ್ಯಾದರ್ಶಿ ಮಾನೆಸ್ತ್ ಆಲ್ವಿನ್ ಪಿಂಟೊ ಆನಿ ಎಕ್ವೀಸ್ ಆಯೋಗ್ ಸಂಯೋಜಕ್ ಮಾನೆಸ್ತ್ ಪಾವ್ಲ್ ಡಿಸೋಜ ಹಾಜರ್ ಆಸ್‌ಲ್ಲೆ. ಕಾರ್ಯಾದರ್ಶಿ ಶ್ರೀಮತಿ ಮೆಬಲ್‌ ಡಿಕುನ್ಹಾ ಹಿಣೆಂ ವಾರ್ಷಿಕ್‌ ವರ್ದಿ ವಾಚ್ಲಿ. ಮೆಳಾಚೊ ಅಧ್ಯಕ್ಷ್‌ ಶ್ರೀ ಚಾರ್ಲ್ಸ್‌ ಕ್ರಾಸ್ತಾ ಹಾಣಿಂ ಜಮ್‌ಲ್ಲ್ಯಾ ಸರ್ವಾಂಕ್‌ ಸ್ವಾಗತ್‌ ಕೆಲೊ. ಬಾಪ್‌ ಪ್ರಕಾಶ್ ಕುಲಾಸೊ ,ಬಾಪ್‌ ಜೆರೊಮ್‌, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಕಾರ್ಯಾದರ್ಶಿ ಮಾನೆಸ್ತ್ ಆಲ್ವಿನ್ ಪಿಂಟೊ ತಶೆಂಚ್ ವಿಗಾರ್‌ಬಾಪಾನಿಂ ತಾಂಚೊ ಸಂದೇಶ್‌ ದಿಲೊ. ಮೆಳಾಚ್ಯಾ ಮಾಲ್ಘಡ್ಯಾ ಸಾಂದ್ಯಾಂಕ್‌ ತಶೆಂಚ್ ಜೊಡ್ಯಾಂಕ್‌ ಮಾನ್‌ ಕೆಲೊ. ಶ್ರೀ ಜೋನ್‌ ರೇಗೊ ಹಾಣಿಂ ಖೆಳ್‌ ಚಲೊವ್ನ್‌ ವೆಲೆ. ಕಾಫಿ ಫಳಾರಾ ಸವೆಂ ಫೆಸ್ತಾಚೆಂ ಆಚರಣ್ ಆಕೇರ್‌ ಕೆಲೆಂ.
.jpeg)
.jpeg)
.jpeg)
ಚಡ್ತಿಕ್‌ ವಿವರಾಕ್‌ ಹ್ಯಾ ವೆಬ್‌ಸೈಟಾಚ್ಯಾ ಲಿಂಕಾಕ್‌ ಕ್ಲಿಕ್‌ ಕರಾ https://www.taccodechurch.in
Comments
Post a Comment