ತಾಕೊಡೆಂತ್‌ ಅಂತರಾಷ್ಟ್ರೀಯ್‌ ದಾದ್ಲ್ಯಾಂಚೊ ದೀಸ್‌ ಆಚರಣ್‌
17 ನವೆಂಬರ್‌ 2024 ಆಯ್ತಾರಾ ಸ್ರೀ ಸಂಘಟನಾಚ್ಯಾ ಮುಖೆಲ್ಪಣಾರ್‌ ತಾಕೊಡೆಚ್ಯಾ ಸರ್ವ್‌ ದಾದ್ಲ್ಯಾಂ ಖಾತಿರ್‌ ದಾದ್ಲ್ಯಾಂಚೊ ದೀಸ್‌ ಆಸಾ ಕೆಲ್ಲೊ. ಮಿಸಾ ಉಪ್ರಾಂತ್ 9.00 ವರಾರ್‌ ಕಾಫಿ ಫಳಾರಾ ಸವೆಂ ಕಾರ್ಯೆಂ ಸುರ್ವಾತ್ಲೆಂ. ಶ್ರೀಮತಿ ಸುನಿತಾ ಸಿಕ್ವೇರಾ ಹಿಣೆಂ ಕಾರ್ಯೆಂ ನಿರ್ವಹಣ್‌ ಚಲೊವ್ನ್‌ ವೆಲೆಂ. ಪಯ್ಲ್ಯಾನ್‌ ಸ್ರೀ ಸಂಘಟನಾಚ್ಯಾ ಸಾಂದ್ಯಾನಿಂ ಪ್ರಾರ್ಥನ್‌ ನೃತ್ಯಾ ಸವೆಂ ದೆವಾಚಿಂ ಭೆಸಾಂವಾಂ ಕಾರ್ಯಾಚೆರ್‌ ಮಾಗೊನ್‌ ಘೆತ್ಲಿಂ.
ಉಪ್ರಾಂತ್ ವೆದಿ ಕಾರ್ಯೆಂ ಸುರ್ವಾತ್ಲೆಂ.ವೆದಿ ಕಾರ್ಯಾಕ್‌ ಅಧ್ಯಕ್ಷ್‌ ಜಾವ್ನ್‌ ವಿಗಾರ್‌ಬಾಪ್‌ ತಶೆಂಚ್‌ ಅತ್ಮೀಕ್‌ ನಿರ್ದೇಶಕ್‌ ಬಾಪ್‌ ರೋಹನ್‌ ಲೋಬೊ, ಸಂಪಲ್ಮೂಲ್‌ ವ್ಯಕ್ತಿ ಜಾವ್ನ್‌ ಸ್ರೀ ಸಂಘಟನ್‌ ತಾಕೊಡೆ ಘಟಕ್‌ ಸ್ಥಾಪಕ್‌ ಅಧ್ಯಕ್ಷಿಣ್‌ ಶ್ರೀಮತಿ ಎವ್ಲಿನ್‌ ಪಿಂಟೊ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಫ್ರಾನ್ಸಿಸ್ ಮೆಂಡೊನ್ಸಾ, ಕಾರ್ಯಾದರ್ಶಿ ಮಾನೆಸ್ತ್ ಆಲ್ವಿನ್ ಪಿಂಟೊ ಆನಿ ಎಕ್ವೀಸ್ ಆಯೋಗ್ ಸಂಯೋಜಕ್ ಮಾನೆಸ್ತ್ ಪಾವ್ಲ್ ಡಿಸೋಜ ,ಬೆಥನಿ ಕೊವೆಂತಾಚಿ ವ್ಹಡಿಲ್ನ್‌ ಸಿ.ರೀನಾ, ದಾದ್ಲ್ಯಾಂ ತರ್ಫೆನ್ ಸನ್ಮಾನಿತ್‌ ವ್ಯಕ್ತಿ ಮಾನೆಸ್ತ್ ಲೋಯ್ಡ್‌ ರೇಗೊ ತಶೆಂಚ್‌ ಸ್ರೀ ಸಂಘಟನಾಚಿ ಅಧ್ಯಕ್ಷಿಣ್‌ ಶ್ರೀಮತಿ ಐವಿ ಕ್ರಾಸ್ತಾ, ಕಾರ್ಯಾದರ್ಶಿ ಶ್ರೀಮತಿ ಶಾಂತಿ ಪಿಂಟೊ ಹಾಜರ್ ಆಸ್‌ಲ್ಲಿಂ.
ಶ್ರೀಮತಿ ಐವಿ ಕ್ರಾಸ್ತಾ ಹಿಣೆಂ ಜಮ್ಲೆಲ್ಯಾ ಸಮೇಸ್ತಾಂಕ್‌ ಸ್ವಾಗತ್‌ ದಿಲೊ. ಉಪ್ರಾಂತ್ ವೆದಿರ್‌ ಆಸ್‌ಲ್ಲ್ಯಾ ಮಾನಾಚ್ಯಾ ಸಯ್ರ್ಯಾಂನಿ ಉದ್ಘಾಟಣ್‌ ಕಾರ್ಯೆಂ ಚಲೊವ್ನ್‌ ವೆಲೆಂ. ಸ್ರೀ ಸಂಘಟನಾಚ್ಯಾ ಸಾಂದ್ಯಾನಿಂ ದಾದ್ಲ್ಯಾಂಚ್ಯಾ ದಿಸಾಕ್‌ ಬರೆಂ ಮಾಗುನ್‌ ಉಲ್ಲಾಸ್‌ ಗೀತ್‌ ಗಾಯ್ಲೆಂ. ಮಾನೆಸ್ತ್ ಆಲ್ವಿನ್ ಪಿಂಟೊ ಹಾಣಿಂ ಕಾರ್ಯಾಕ್‌ ಉದ್ದೇಶುನ್‌ ಬೊಗ್ಣಾಂ ಉಚಾರ್ಲಿಂ. ಉಪ್ರಾಂತ್ ಗರ್ಜೆವಂತ್‌ ಸ್ತ್ರೀಯೆಕ್‌ ಘರ್‌ ಬಾಂದುಂಕ್‌ ಕುಮಕ್‌ ಕರ್ಚ್ಯಾ ಸ್ರೀ ಸಂಘಟನಾಚ್ಯಾ ಯಶಸ್ವಿ ಯೋಜನಾಕ್‌ ಹ್ಯುಮಾನಿಟಿ ಸಂಸ್ಥ್ಯಾ ಥಾವ್ನ್‌ ಆಧಾರ್‌ ಮೆಳ್ಚ್ಯಾಕ್ ಪುರ್ತೊ ಸಹಕಾರ್‌ ದಿಲ್ಲ್ಯಾ ಮಾನೆಸ್ತ್ ಲೋಯ್ಡ್‌ ರೇಗೊ ಹಾಂಕಾ ಮಾನ್‌ ಕೆಲೊ. ಲೋಯ್ಡ್‌ ರೇಗೊ, ಮಾನೆಸ್ತ್ ಪಾವ್ಲ್ ಡಿಸೋಜ ಉಪ್ರಾಂತ್ ಕಾರ್ಯಾಚೆಂ ಅಧ್ಯಕ್ಷ್‌ಪಣ್‌ ಘೆತ್‌ಲ್ಲ್ಯಾ ವಿಗಾರ್‌ಬಾಪಾನಿಂ ತಾಂಚೊ ಸಂದೇಶ್‌ ದಿಲೊ. ಶ್ರೀಮತಿ ಶಾಂತಿ ಪಿಂಟೊನ್‌ ಧನ್ಯವಾದ್‌ ಸಮರ್ಪಣ್‌ ಕಾರ್ಯೆಂ ಚಲೊವ್ನ್‌ ವೆಲೆಂ. ಉಪ್ರಾಂತ್ ಮಾನಾಚ್ಯಾ ವ್ಯಕ್ತಿನಿಂ ಮುಖ್ಲ್ಯಾ ಕಾರ್ಯಾಕ್‌ ವೆದಿ ಸೊಡ್ನ್‌ ದಿಲಿ.
ಸಂಪನ್ಮೂಲ್‌ ವ್ಯಕ್ತಿ ಶ್ರೀಮತಿ ಎವ್ಲಿನ್‌ ಪಿಂಟೊನ್‌ ಸಂದೇಶ್‌ ದಿಲೊ. ಸ್ರೀ ಸಂಘಟನಾಚಿ ವಾರಾಡೊ ಕಾರ್ಯಾದರ್ಶಿ ಮಾನೆಸ್ತಿಣ್ ವಿಲ್ಮಾ ಕ್ರಾಸ್ತಾ ಕಾರ್ಯಾಕ್‌ ಹಾಜರ್ ಆಸ್‌ಲ್ಲಿ. ಉಪ್ರಾಂತ್ ಸ್ರೀ ಸಂಘಟನಾಚ್ಯಾ ಸಾಂದ್ಯಾನಿಂ ದಾದ್ಲ್ಯಾಂ ಖಾತಿರ್‌ ಖೆಳ್‌ ತಶೆಂಚ್‌ ಮನೋರಂಜನ್‌ ಕಾರ್ಯೆಂ ಆಸಾ ಕೆಲ್ಲೆಂ. ಮಾನೆಸ್ತಿಣ್ ವಿಲ್ಮಾ ಕ್ರಾಸ್ತಾ ಹಿಣೆಂ ಖೆಳಾಂತ್ ಜಿಕ್‍ಲ್ಲ್ಯಾಂಕ್ ಇನಾಮಾ ವಾಂಟ್ಲಿಂ. ಬ್ರದರ್ ವಿನೊಲ್ ಹಾಣಿಂ ಜೆವ್ಣಾಚೆರ್ ಆಶೀರ್ವಾಚನ್ ಮಾಗ್ಲೆಂ. ಸ್ತ್ರೀಯಾನಿಂ ಮೊಗಾನ್ ತಯಾರ್ ಕೆಲ್ಲೆಂ ಜೆವಾಣ್ ಸೆಂವ್ಚಾ ಸವೆಂ ಕಾರ್ಯೆಂ ಅಖೇರ್ ಕೆಲೆಂ .
.jpeg)
.jpeg)
ಚಡ್ತಿಕ್‌ ವಿವರಾಕ್‌ ಹ್ಯಾ ವೆಬ್‌ಸೈಟಾಚ್ಯಾ ಲಿಂಕಾಕ್‌ ಕ್ಲಿಕ್‌ ಕರಾ https://www.taccodechurch.in
Comments
Post a Comment