ತಾಕೊಡೆ ಫಿರ್ಗಜೆಚೆಂ ವಡ್ಲೆಂ ಫೆಸ್ತ್

ಫಿರ್ಗಜ್‌ ವಾರ್ಷಿಕ್‌ ಪರಬ್‌ - 2024

ನವೆಂಬರ್‌ 10, 2024ವೆರ್‌ ಆಯ್ತಾರಾ ಸಕಾಳಿಂ 7.30 ವೊರಾರ್‌ ಮಾ.ಬಾ. ಜೆರೊಮ್‌ ಹಾಣಿಂ ಸಾದೆಂ ಮಿಸಾಚೆಂ ಬಲಿದಾನ್‌ ಭೆಟಯ್ಲೆಂ. ಹ್ಯಾ ಪಯ್ಲ್ಯಾ ಮಿಸಾ ಸಂಗಿಂ ಫಿರ್ಗಜ್‌ ಫೆಸ್ತಾಚೊ ಸಂಭ್ರಮ್‌ ಆರಂಭ್‌ ಜಾಲೊ. 9.45 ವೊರಾರ್‌ ವಿಗಾರ್‌ ಮಾ.ಬಾ. ರೋಹನ್‌ ಲೋಬೊ ಹಾಣಿಂ ಮಾನಾಚ್ಯೊ ವಾತಿ ವಾಂಟ್ಲ್ಯೊ. 10.00 ವೊರಾರ್‌ ಫೆಸ್ತಾಚೆಂ ಸಂಭ್ರಮಿಕ್‌ ಮಿಸಾಚೆಂ ಬಲಿದಾನ್‌ ಆರಂಭ್‌ ಜಾಲೆಂ. ಪ್ರಧಾನ್‌ ಯಾಜಕ್‌ ಜಾವ್ನ್‌ ಮಾ.ಬಾ. ಲೀಯೊ ಲಸ್ರಾದೊ, ಸಿ.ಬಿ.ಇ ಕಾರ್ಯಾದರ್ಶಿ (ಕಥೊಲಿಕ್‌ ಶಿಕ್ಷಣ್‌ ಸಂಸ್ಥೊ, ಮಂಗ್ಳುರ್) ಹಾಣಿಂ ಮಿಸಾಚೆಂ ಬಲಿದಾನ್‌ ಭೆಟಯ್ಲೆಂ ಆನಿ ದೆವಾಚ್ಯಾ ಉತ್ರಾಂಚೆರ್‌ ಅರ್ಥಬರಿತ್ ನಿಯಾಳ್‌ ದಿಲೊ. ಮಿಸಾಚ್ಯಾ ಬಲಿದಾನಾಕ್‌‌ ಬೊ.ಮಾ.ದೊ. ವಿಕ್ಟರ್‌ ಜೋರ್ಜ್‌ ಡಿಸೋಜಾ, ದಿಯೆಸಿಜಿಚೆ ಚಾನ್ಸೆಲಾರ್‌ ಹಾಜಿರ್‌ ಆಸ್ಲೆ ಅಶೆಂ 14 ಯಾಜಾಕಾನಿ ಮಿಸಾಚಿ ಸಹ-ಬೆಟೊವ್ಣಿ ಕೆಲಿ. ಸಂಭ್ರಮಿಕ್‌ ಆರ್ಶೀವಾದಾ ಉಪ್ರಾಂತ್‌ ವಿಗಾರ್‌ಬಾಪಾನಿಂ ಫೆಸ್ತಾಚ್ಯಾ ಸಂದರ್ಭಾರ್‌ ತಶೆಂಚ್‌ ವರ್ಸ್‌ಬರ್‌ ಫಿರ್ಗಜ್‌ ವಾವ್ರಾಕ್‌ ಆಧಾರ್‌ ದಿಲ್ಲ್ಯಾ ಸಮೇಸ್ತಾಂಚೊ ಉಪ್ಕಾರ್‌ ಬಾವುಡ್ಲೊ. ಬೊ.ಮಾ.ದೊ. ವಿಕ್ಟರ್‌ ಜೋರ್ಜ್‌ ಡಿಸೋಜಾ, ದಿಯೆಸಿಜಿಚೆ ಚಾನ್ಸೆಲಾರ್‌ ಹಾಣಿಂ ಫೆಸ್ತಾಕ್‌ ದಾನ್‌ ದಿಲ್ಲ್ಯಾಂಕ್‌ ಮಾನಾಚಿ ವಾತ್‌ ವಾಂಟುನ್‌ ಮಾನ್‌ ಕೆಲೊ. ಉಪ್ರಾಂತ್‌ ಪಾತ್ರೊನ್‌ ಭಾಗೆವಂತ್‌ ಖುರ್ಸಾಕ್‌ ಮಾನ್‌ ಕರ್ನ್‌ ನೊವೆನ್‌ ಕೆಲೆಂ. ಮಾ.ಬಾ. ಲೀಯೊ ಲಸ್ರಾದೊ ಹಾಣಿಂ ಫೆಸ್ತಾಚೆ ಉಲ್ಲಾಸ್‌ ಪಾಟಾಯ್ಲೆ. ನಿಮಾಣೆಂ ಪಾತ್ರೊನಾಚ್ಯಾ ಕಂತಾರಾ ಸವೆಂ ಮಿಸಾಚೆಂ ಬಲಿದಾನ್‌ ಸಂಪ್ಲೆಂ. ಸಬಾರ್‌ ಲೋಕ್‌ ಮಿಸಾಚ್ಯಾ ಬಲಿದಾನಾಕ್‌ ಹಾಜಿರ್‌ ಆಸ್ಲೊ. ಮಿಸಾ ಉಪ್ರಾಂತ್‌ ಐ.ಸಿ.ವೈ.ಎಮ್‌ ತಶೆಂಚ್‌ ವೈ.ಸಿ.ಎಸ್‌ ಸಾಂದ್ಯಾನಿಂ ಫೆಸ್ತಾ ಸಂದರ್ಭಾರ್‌ ಸ್ಟಾಲಾಂ ಆಸಾ ಕೆಲ್ಲಿಂ. ಸರ್ವ್‌ ಲೊಕಾನಿಂ ಸ್ಟಾಲಾಂಕ್‌ ಭೆಟ್‌ ದೀವ್ನ್‌ ತಾಂಕಾ ಸಹಕಾರ್‌ ದಿಲೊ. ಅಶೆಂ ಫಿರ್ಗಜ್‌ ವಾರ್ಷಿಕ್‌ ಪರಬ್ ಅರ್ಥಬರಿತ್‌ ‌ತಶೆಂಚ್‌ ದಬಾಜಾನ್ ಆಚರಣ್‌ ಕೆಲಿ.