ಕಕ್ಕೆಬೆಟ್ಟು ವಾಡ್ಯಾಚೆಂ ಫೆಸ್ತ್ ಆಚರಣ್
6 ಅಕ್ಟೋಬರ್ 2024 ವೆರ್‌ ಸಾಂಜೆರ್ 6:30 ವೊರಾರ್‌ ಗುರ್ಕಾರ್ ಶ್ರೀ ರಿಚ್ಚರ್ಡ್‌ ಲೋಬೊಚ್ಯಾ ಘರಾ ಫೆಸ್ತ್ ಆಚರಣ್ ಕೆಲೆಂ. ಪಾತ್ರೊನ್‌ ಸಾಂ.ಮಿಂಗೆಲಿಕ್ ಸಕಾಳಿಂಚ್ಯಾ ಮಿಸಾರ್‌ ಮಾನ್‌ ಕರ್ನ್‌, ಸಾಂಜೆರ್ ವೆದಿ ಕಾರ್ಯೆಂ ಆಸಾ ಕೆಲ್ಲೆಂ. ಕಾರ್ಯಾಚ್ಯಾ ಸುರ್ವೆರ್‌ ಮಾಗ್ಣ್ಯಾ ವಿಧಿ ಗುರ್ಕಾರಾಚ್ಯಾ ಮುಖೆಲ್ಪಣಾರ್‌ ಚಲೊವ್ನ್‌ ವೆಲಿ. ಉಪ್ರಾಂತ್‌ ಪಾತ್ರೊನಾಕ್‌ ಫುಲಾಂ ಅರ್ಪುನ್‌ ಮಾನ್‌ ಕೆಲೆಂ.ಮಾನೆಸ್ತಿನ್‌ ಫ್ಲೊಸ್ಸಿ ಪಿಂಟೊ ಹಿಣೆಂ ಕಾರ್ಯೆಂ ನಿರ್ವಹಣ್‌ ಚಲೊವ್ನ್‌ ವೆಲೆಂ. ಶ್ರೀಮತಿ ಜೆಸಿಂತಾ ಡಿಸೋಜ ಆನಿ ಅನ್ಸಿಯಾ ಡಿಸೋಜ ಹಾಣಿಂ ಖೆಳ್‌ ಚಲೊವ್ನ್‌ ವೆಲೆ. ಉಪ್ರಾಂತ್‌ ಮಟ್ವೆಂ ವೆದಿ ಕಾರ್ಯೆಂ ಮಾಂಡುನ್‌ ಹಾಡ್ಲೆಂ. ಕಾರ್ಯಾಕ್‌ ಫಿರ್ಗಜ್ ವಿಗಾರ್ ಮಾ. ಬಾ. ರೋಹನ್‌ ಲೋಬೊ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಫ್ರಾನ್ಸಿಸ್ ಮೆಂಡೊನ್ಸಾ, ಎಕ್ವೀಸ್ ಆಯೋಗ್ ಸಂಯೋಜಕ್ ಮಾನೆಸ್ತ್ ಪಾವ್ಲ್ ಡಿʼಸೋಜ ಲಾ.ಕ್ರಿ.ಸ.ಚಿ ಸಂಚಾಲಕಿ ಶ್ರೀಮತಿ ಲೋನಾ ರೊಡ್ರಿಗಸ್ ಆನಿ ಲಾ.ಕ್ರಿ.ಸ.ಚಿ ಪ್ರೇರಕಿ ಶ್ರೀಮತಿ ಐವಿ ಕ್ರಾಸ್ತಾ ಹಾಜರ್ ಆಸ್‌ಲ್ಲಿಂ. ಗುರ್ಕಾರ್ ಶ್ರೀ ರಿಚ್ಚರ್ಡ್‌ ಲೋಬೊ ಹಾಣೆಂ ಸ್ವಾಗತ್‌ ಕೆಲೊ, ಕಾರ್ಯದರ್ಶಿ ಸುನಿತಾ ಡಿಸೋಜಾ ಹಿಣೆಂ ವಾರ್ಷಿಕ್ ವರ್ದಿ ವಾಚ್ಲಿ. ಭಾಷಣ್‌ ಸ್ಪರ್ಧ್ಯಾಂತ್ ಸಾಧಾನ್‌ ಕೆಲ್ಲ್ಯಾಂಕ್‌ ಮಾನ್‌ ಕೆಲೊ. ಎಕ್ವೀಸ್ ಆಯೋಗ್ ಸಂಯೋಜಕ್ ಮಾನೆಸ್ತ್ ಪಾವ್ಲ್ ಡಿಸೋಜ ,ಲಾ.ಕ್ರಿ.ಸಾ.ಚಿ ಸಂಚಾಲಕಿ ಲೋನಾ ರೊಡ್ರಿಗಸ್ ಆನಿ ಶ್ರೀಮತಿ ಐವಿ ಕ್ರಾಸ್ತಾ ಹಾಣಿಂ ಆಪ್ಲೊ ಸಂದೇಶ್‌ ದಿಲೊ.ಖೆಳಾಂತ್‌ ವಿಜೇತ್‌ ಜಾಲ್ಲ್ಯಾಂಕ್‌ ಇನಾಮಾಂ ವಾಂಟ್ಲಿಂ. ನಿಮಾಣೆಂ ವಿಗಾರ್ ಮಾ. ಬಾ. ರೋಹನ್‌ ಲೋಬೊ ಹಾಣಿಂ ಸಂದೇಶ್‌ ದಿಲೊ ಆನಿ ಶ್ರೀಮತಿ ಜೆಸಿಂತಾ ಡಿಸೋಜ ಹಾಣಿಂ ಧನ್ಯವಾದ್‌ ಪಾಟಯ್ಲೆಂ. ವಾಡ್ಯಾಗಾರಾನಿಂ ಪಾತ್ರೊನಾಕ್‌ ಅರ್ಗಾಂ ಪಾಟೊವ್ನ್‌ ಗೀತ್‌ ಗಾಯ್ಲೆಂ. ಆಕೇರಿಕ್‌ ವಿಗಾರ್‌ಬಾಪಾನಿಂ ಜೆವ್ಣಾಚೆರ್‌ ಆರ್ಶೀವಾದ್‌ ಮಾಗ್ಲೊ ಅಶೆಂ ಜೆವ್ಣಾ ಸವೆಂ ಫೆಸ್ತಾಚೆಂ ಆಚರಣ್ ಸಂಪ್ಲೆಂ.
.jpeg)
.jpeg)
.jpeg)
Comments
Post a Comment