ಮೊಂತಿ ಫೆಸ್ತ್‌
ಸಪ್ಟೆಂಬರ್‌ 8 ತಾರಿಕೆರ್‌ ತಾಕೊಡೆ ಫಿರ್ಗಜೆಂತ್‌ ಬಾಳಕ್ ಮರಿಯೆಚ್ಯಾ ಜಲ್ಮಾಚೆಂ ಮೊಂತಿ ಫೆಸ್ತ್‌ ವ್ಹಡ್‌ ಗದ್ದಾಳಾಯೆನ್‌ ಆಚರಣ್‌ ಕೆಲೆಂ. ಸಕಾಳಿಂ 8 ವೊರಾರ್‌ ಇಗರ್ಜೆಚ್ಯಾ ದ್ವಾರಲಾಗಿಂ ಆಸ್ಲೆಲ್ಯಾ ಗ್ರೊಟ್ಟ್ಯಾ ಲಾಗಿಂ ಕನ್ಶಿ ಬೆಜಾರ್‌ ಆನಿ ಮರಿಯೆಕ್‌ ಫುಲಾಂ ಅರ್ಪುನ್‌ ಪುರ್ಶಾಂವಾರ್‌ ಇಗರ್ಜೆಪ್‌ ಯೇವ್ನ್‌ ಸಂಭ್ರಮೀಕ್‌ ಮಿಸಾಚೆಂ ಬಲಿದಾನ್‌ ಭೆಟಯ್ಲೆಂ. ಪ್ರದಾನ್‌ ಯಾಜಾಕ್‌ ಜಾವ್ನ್‌ ಮಾ. ಬಾ. ದೀಪಕ್‌ ಡೆಸ್ಸಾ , ಮಡಂತ್ಯಾರ್‌ ಇಂಗ್ಲೀಷ್ ಮೀಡಿಯಂ ಇಸ್ಕೊಲಾಚೊ ಹೆಡ್‌ ಮಾಸ್ಟರ್‌ ಹಾಣಿಂ ಮಿಸಾಚೆಂ ಬಲಿದಾನ್‌ ಬೆಟೆಯ್ಲೆಂ. ಮಿಸಾ ಉಪ್ರಾಂತ್‌ ಸರ್ವಂಕ್‌ ಬೆಂಜಾರ್‌ ಕೆಲ್ಲಿ ಕನ್ಶಿ ವಾಂಟ್ಲಿ. ನಿಮಾಣೆಂ ಸರ್ವಾಂಕ್‌ ಜ್ಯೂಸ್‌, ಫಳಾರ್‌ ಆನಿ ಕೊಬು ವಾಂಟ್ಲೊ.
ಚಡ್ತಿಕ್‌ ವಿವರಾಕ್‌ ಹ್ಯಾ ವೆಬ್‌ಸೈಟಾಚ್ಯಾ ಲಿಂಕಾಕ್‌ ಕ್ಲಿಕ್‌ ಕರಾ https://www.taccodechurch.in
Comments
Post a Comment