ಸುರ್ಲಾಯ್‌ ವಾಡ್ಯಾಚೆಂ ಫೆಸ್ತ್
22 ಸಪ್ಟೆಂಬರ್‌ 2024 ವೆರ್‌ ಸಾಜೆರ್‌ 4.30 ವೊರಾರ್‌ ಶ್ರೀ ವಾಲ್ಟಾರ್ ಡಿಕುನ್ಹಾಚ್ಯಾ ಘರಾ ಫೆಸ್ತ್ ಆಚರಣ್‌ ಕೆಲೆಂ. ಪಾತ್ರೊನ್‌ ದುಖಿಸಾಯ್ಬಿಣಿಕ್ ಸಕಾಳಿಂಚ್ಯಾ ಮಿಸಾರ್‌ ಮಾನ್‌ ಕರ್ನ್‌, ಸಾಂಜೆರ್‌ ವೆದಿ ಕಾರ್ಯೆಂ ಆಸಾ ಕೆಲ್ಲೆಂ. ಕಾರ್ಯಾಚ್ಯಾ ಸುರ್ವೆರ್‌ ಪವಿತ್ರ್‌ ಪುಸ್ತಾಕಾಕ್‌ ಮಾನ್‌ ಕರ್ನ್‌ ಮಾಗ್ಣ್ಯಾ ವಿಧಿ ಶ್ರೀ ರೋಹನ್‌ ಕಾರ್ಡೋಜಾಚ್ಯಾ ಮುಖೆಲ್ಪಣಾರ್‌ ಚಲೊವ್ನ್‌ ವೆಲಿ. ಉಪ್ರಾಂತ್‌ ವಿಗಾರ್ ಬಾಪಾನಿಂ ನವ್ಯಾಚೆರ್‌ ಆಶೀರ್ವಾದ್‌ ಮಾಗ್ಲೆಂ ಆನಿ ಸರ್ವಾಂನಿ ಸೆವ್ಲೆಂ. ಕಾರ್ಯಾಕ್‌ ಫಿರ್ಗಜ್ ವಿಗಾರ್ ಮಾ. ಬಾ. ರೋಹನ್‌ ಲೋಬೊ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಫ್ರಾನ್ಸಿಸ್ ಮೆಂಡೊನ್ಸಾ, ಎಕ್ವೀಸ್ ಆಯೋಗ್ ಸಂಯೋಜಕ್ ಮಾನೆಸ್ತ್ ಪಾವ್ಲ್ ಡಿʼಸೋಜ ಆನಿ ಲಾ.ಕ್ರಿ.ಸ.ಚಿ ಸಂಚಾಲಕಿ ಶ್ರೀಮತಿ ಲೋನಾ ರೊಡ್ರಿಗಸ್ ಹಾಜರ್ ಆಸ್‌ಲ್ಲಿಂ. ಗುರ್ಕಾನ್‌ ಶ್ರೀಮತಿ ಮೇಬಲ್‌ ಡಿಕುನ್ಹಾ ಹಿಣೆಂ ಸ್ವಾಗತ್‌ ಕೆಲೊ, ಕಾರ್ಯದರ್ಶಿ ಶೆರಿ ನಾಜ್ರೆತ್‌ ಹಿಣೆಂ ವಾರ್ಷಿಕ್ ವರ್ದಿ ವಾಚ್ಲಿ, ರೊಲ್ಸಾನಾನ್‌ ಕಾರ್ಯನಿರ್ವಾಹಣ್‌ ಕೆಲೆಂ. ಸಾಧಾನ್‌ ಕೆಲ್ಲ್ಯಾಂಕ್‌ ಮಾನ್‌ ಕೆಲೊ. ಸಾಂಗಾತಾಚ್‌ ಖೆಳ್‌ ಮಾಂಡುನ್‌ ಹಾಡ್ಲೆ. ಉಪಾಧ್ಯಕ್ಷ್ ಮಾನೆಸ್ತ್ ಫ್ರಾನ್ಸಿಸ್ ಮೆಂಡೊನ್ಸಾ, ಎಕ್ವೀಸ್ ಆಯೋಗ್ ಸಂಯೋಜಕ್ ಮಾನೆಸ್ತ್ ಪಾವ್ಲ್ ಡಿಸೋಜ ಆನಿ ಲಾ.ಕ್ರಿ.ಸಾ.ಚಿ ಸಂಚಾಲಕಿ ಹಾಣಿಂ ಆಪ್ಲೊ ಸಂದೇಶ್‌ ದಿಲೊ. ನಿಮಾಣೆಂ ವಿಗಾರ್ ಮಾ. ಬಾ. ರೋಹನ್‌ ಲೋಬೊ ಹಾಣಿಂ ಸಂದೇಶ್‌ ದಿಲೊ ಆನಿ ಫೆಸ್ತ್ ಗದ್ದಾಳಾಯೆನ್‌ ಕರಿನಾಸ್ತಾನಾ ತೊ ಆಯ್ವಾಜ್‌ ಘರ್‌ ಬಾದ್ಪಾಕ್‌ ದಿಲ್ಲ್ಯಾಕ್‌ ಉಲ್ಲಾಸ್‌ ಪಾಟಾಯ್ಲೆಂ. ಧನ್ಯವಾದ್‌ ಆನಿ ಫಳಾರಾ ಸವೆಂ ಕಾರ್ಯೆಂ ಆಕೇರ್‌ ಕೆಲೆಂ.
Comments
Post a Comment